Presidenti ukrainas Volodymyr Zelenskyy e quajti sot propozimin e Presidentit të SHBA-së Donald Trump për të zhvilluar bisedime me Rusinë bazuar në vijën aktuale të frontit një “kompromis të mirë”, por shprehu dyshime nëse Presidenti rus Vladimir Putin do ta pranonte këtë opsion.
Presidenti amerikan “sugjeroi: ‘qëndroni aty ku jeni dhe filloni bisedimet’”, u tha Zelensky gazetarëve gjatë vizitës së tij të shkurtër në Oslo.
“Mendoj se është një kompromis i mirë, por nuk jam i sigurt nëse Putini do ta mbështesë atë dhe ia thashë presidentit”, shtoi Donald Trump.
Ditët e fundit, presidenti amerikan ka ushtruar presion mbi palët ndërluftuese që të ndalojnë armiqësitë, duke inkurajuar Ukrainën dhe Rusinë që “të ndalen menjëherë në vijat e frontit” sot.
Megjithatë, përpjekjet për t’i dhënë fund pushtimit rus të Ukrainës, i cili filloi në vitin 2022, duket se janë sërish në një rrugë pa krye.
Edhe pse kohët e fundit njoftoi se do të takohej me Vladimir Putinin në Budapest brenda dy javëve të ardhshme, Donald Trump tha të martën se planet për samitin po shtyheshin, duke shpjeguar se nuk donte “një takim që do të shkonte dëm”. Rusia, nga ana e saj, njoftoi sot se përgatitjet për takimin midis dy udhëheqësve po “vazhdonin”.
Burimi: APE
