Video tronditëse: Momenti kur një urë shembet në Vietnam dhe automjetet bien në ujë

Një urë e ngarkuar në Vietnamin verior u shemb pasi u godit nga tajfuni Yagi, i cili ka vrarë më shumë se 60 njerëz që nga e shtuna e kaluar.

Pamjet e kapura nga kamera e një makine tregojnë momentin tronditës kur Ura Phong Chau u shemb dje, të hënën. Disa automjete që ndodheshin në urë kur ajo u nda në dysh, ranë në ujë dhe 13 persona rezultojnë të zhdukur, sipas BBC.

Shikoni videon tronditëse:

Kalimi i tajfunit Yagi në Vietnamin verior ka lënë 63 të vdekur dhe 40 të tjerë janë ende të zhdukur, njoftoi sot qeveria e vendit aziatik, duke rishikuar numrin e mëparshëm të vdekjeve, i cili thoshte për 59 të vdekur.

Përmbytjet dhe rrëshqitjet e tokës të shkaktuara nga tajfuni – më i forti që ka goditur Azinë këtë vit, sipas sinoptikanëve – gjithashtu plagosën 752 persona të tjerë, thanë autoritetet e menaxhimit të fatkeqësive të Vietnamit.

Stuhia më e fortë që ka goditur Vietnamin në 30 vjet ka shkaktuar gjithashtu dëme masive materiale dhe ka lënë 1.5 milionë njerëz pa energji elektrike./KohaJuaj