Ndërsa na ndajnë edhe pak orë nga nisja e sfidës Poloni-Shqipëri në Varshavë, që do të fillojë në orën 20:45 dhe do të transmetohet në “SuperSport 2”, tifozët kanë krijuar një atmosferë shumë të bukur jashtë stadiumit

Gazetari i “SuperSport” Elvis Rexha ka folur me disa nga tifozët e pranishëm të cilët treguan se kanë udhëtuar me orë të tëra për të mbështetur kombëtaren “Kuqezi”

“Kemi udhëtuar 30 orë nga Tirana në Varshavë dhe rezultati që kërkojmë është fitorja.”-tha një tifoze.

Një tjetër tifoz u shpreh: “Uroj me gjithë shpirt që ta nisim me këmbën e mbarë. Po e nisëm sot me fitore jemi në Gjermani.”

Ndërsa një tjetër tifoz “vendosi” edhe rezultatin e këtij takimi: “Shqipëria do të fitojë 2-1 këtu sot.”

Të pranishëm në mesin e grupimit të “Tifozëve Kuqezi” ishin edhe disa polakë që uruan fitoren e kombëtares shqiptare.