Prangosja e Fredi Belerit vjen pas kundërpërgjigjes që kryeministrit Rama i bëri veprimtarisë së tij subversive dhe deklaratave kërcënuese që Beleri adresoi ndaj emigrantëve votues të cilët i paralajmëroi se do tu griseshin pashaportat, nëse nuk e votonin. A do të ketë të tjera akuza ndaj renegatit shqiptar në shërbim të qarqeve shoviste greke apo akuza do të mjaftohet me tregtinë e votave?

Nga Vjosa LIMANI –

Pak minuta pasnatës së të enjtes kandidati i koalicionit “Bashkë Fitojmë” për Bashkinë e Himares, Fredi Beleri, pjesë e PBDNJ të Vangjel Dules, është arrestuar brenda ambienteve të lokalit të tij në Himarë.

Akuza e ngritur ndaj njeriut që prej vitesh po ushtron terror kombëtar me teorinë e qënies së Himarrës territor helen dhe kthimin e këtij identiteti, nëse zgjidhet kryetar Bashkie i Himarës, çuditërisht nuk ka qenë për shkelje të Kushtetutës që garanton sovranitetin e vendit, apo agresion të hapur territorial, por për shitblerje të votave në favor të tij.

Fillimisht, pas prangosjes, rreth orës 00:15, Beleri është shoqëruar në ambientet Komisariatit të Policisë së Himarës dhe më pas në Drejtorinë se Policisë në Vlorë.

Sipas informacioneve të “Koha Juaj. com”, nga vendngjarja mësohet se operacioni për prangosjen e Fredi Belerit është kryer nga  Byjoja Kombëtare e Hetimit (BKH), pjesë e Prokurisë speciale (SPAK) për llogari të kësaj të fundit dhe për ti hapur rrugë vijimiot të hetimeve të mëtejshme.

Prangosja e njeriut të venë në shërbim të hapur të qarqeve shiviniste greke dhe Megalidhesë, vjen veç pak ditë pas kundërpërgjigjes që kryeministrit Rama i bëri veprimtarisë së tij subversive dhe deklaratave kërcënuese që Beleri adresoi ndaj emigrantëve votues, të cilët i paralajmëroi se do tu dokumentat greke, nëse nuk e votonin.

Me sharlatanin Fredi Beleri do merrem vet personalisht, ishte në thelb përmbajtja e artikulimit të kryeministrit Rama, gjatë takimit në Himarë me elektoratin, ndërkohë që pak orë para arrestimit të Belerit, nga ekrani i emisionit “Opinion”, kryeministri Rama lëshoi bombën e dytë të gjuhësore “Pershing 2”.

“Ky maskara ka angazhuar njerëz për të kërcënuar emigrantët. Unë dua ta shfrytëzojë këtë emision për t’iu drejtuar dy personave me emër. Një Napolon Çakalli, i cili e di shumë mirë se kush është dhe një Spiro Koka, një tjetër personazh. Iu them mos guxoni të merrni në telefon emigrantët që duan të votojnë ose që mund të vinë të votojnë, as për t’iu thënë që do vini të votoni patjetër për këtë injorantin këtu apo duke i thënë që po votuar për Goron e PS do iu grisim letrat greke dhe unë po iu them në sy do të merrem personalisht me ju të dy dhe jeni ju që rrezikoni që t’i humbisni letrat greke. Avokati më i madh i emigrantëve në Greqi dhe i minoritetit grek në Shqipëri jam unë dhe qeveria ime, është ky shtet,” paralajmëroi kryeministri Rama.

A do të ketë të tjera akuza ndaj renegatit shqiptarnë shërbim të qarqeve shoviste greke apo akuza do të mjaftohet me tregtinë e votave? /Koha Juaj.com