Emisari amerikan për Ballkanin Perëndimor, Gabriel Escobar ishte sot në Malin e Zi, ku mori pjesë në inaugurimin e presidentit të ri. Por ai foli për mediat e Kosovës dhe për Asociacionin, nisur nga fakti se ndonëse në Ohër u arrit një akord mes Kosovës dhe Serbisë tyre asnjë pikë e marrëveshjes nuk po zbatohet.
“Me duhet të them se asnjëra s’po zbaton marrëveshjen, dhe më duhet të them që ne duhet të ecim përpara me te gjitha elementet përfshirë dhe specifikisht Asociacionin e komunave me shumicë serbe. Ne po presim versionin e Kosovës për statutin e Asociacionit, e kjo duhet të bëhet tani”, tha Escobar.
Sipas tij, nuk ka më kohë për vonesa. Sipas tij, Kosova duhet të ecë përpara dhe kjo nis me Asociacionin.
“Ajo që duam ne si SHBA që është se statuti për Asociacionin të jetë gati sa më shpejt”, tha ai.
I pyetur nëse ka diskutuar për këtë çështje me presidenten Osmani e kryeministrin Kurti, ai tha: “Jo me presidenten ende, me kryeministrin po në Bruksel dhe ka qenë tema kryesore e takimit tonë në atje”.
Sipas zyrtarit të DASH, mund të them se për Serbinë dhe Kosovën urgjente është që të rifokusohen në normalizim e marrëdhënieve. Ai tha se Asociacioni është një mundësi për Kosovën që të sigurojë shërbime për qytetarët që flasin gjuhën serbe. “Është mënyrë për t’ua hapur derën për integrim më të madh të minoritetit serb në strukturat e Kosovës. Ky gjithmonë ka qenë qëndrimi ynë. Ne duhet të kuptojmë se ata janë shtetas të dyfishtë. Ne dëshirojmë që ta bëjmë në atë mënyrë që nuk krijon problem me Kushtetutën”, tha ai.
