Me urdhër të Prokurorisë së Përgjithshme të Ankarasë , 13 zyrtarë të bashkisë u arrestuan këtë mëngjes me akuzën e parregullsive financiare në 32 koncerte të organizuara nga bashkia midis viteve 2021-2024.
Pas arrestimit të kryetarit të bashkisë së Stambollit, Ekrem Imamoglu, më 19 mars, një total prej 17 kryetarësh bashkie të CHP-së në të gjithë Turqinë janë arrestuar me akuza për korrupsion dhe janë shkarkuar nga detyra, 11 prej të cilëve janë në bashki rajonale nën Bashkinë Metropolitane të Stambollit.
Kryetari i bashkisë së Ankarasë, Mansur Yavas, është një nga figurat më të njohura të opozitës, veçanërisht në mesin e votuesve nacionalistë. Deri më tani, hetimet e prokurorisë nuk e kishin prekur bashkinë e kryeqytetit turk./kohajuaj
