Kryeministri Edi Rama ka reaguar ashpër ndaj incidenteve të dhunës dhe protestës të realizuar nga “Rithemelimi” ditën e sotme brenda dhe jashtë parlamentit.
Rama thotë se opozita u “rikthye në identitet”, me autotët e emisionit të “RAI3” që “eksportoi baltë nga kanalet e ujërave të zeza politike dhe mediatike në Tiranë”.
Rama, siç edhe më herët e ka pëmendur, thotë se emisioni italian citoi Francesco Becchetti, i dënuar me 17 vjet burg në Shqipëri, Arben Ahmetaj, i arratisur i drejtësisë, Sali Berisha, nën arrest shtëpie, dhe një ish-prokuror i ngelur në veting për probleme me pasurinë.
Në fund të reagimit të tij, Rama bën dhe një thirrje të fortë: “Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush”.
Reagimi i plotë i Ramës:
Cilët ishin autorët e rikthimit në identitet sot të opozitës në parlament?
Një ish-zv.kryeministër i arratisur për t’i ikur drejtësisë;
Një ish-kryeministër në arrest shtëpie me vendim të drejtësisë;
Një ish-prokuror i përjashtuar nga sistemi i drejtësisë për mojustifikim pasurie;
Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar me baltë të eksportuar nga kanalet e ujrave të zeza politike e mediatike të Tiranës.
Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e radhës me emrin e Shqipërisë i duhet futur në llogaritë që do të bëhen në zgjedhjet e afërta.
Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush
