Në dosjen e siguruar nga redaksi sa i përket hetimeve të privatizimit të klubit “Partizani”, ku përfshihet dhe familja e ish-kryeministrit Sali Berisha, evidentohen edhe përfitimet e familjes, ku përfaqësues është Jamarbër Malltezi, dhëndri i kreut të Partisë Demokratike. Në dosje konstatohet se përgjatë viteve edhe familja Berisha ka patur përfitimet e saj, nga të ardhurat e familjes Malltezi, ku këta të fundit kanë qenë edhe personat të cilët kanë paguar faturat edhe për studiot ligjore në Angli, ku Sali Berisha është në proces gjyqësor për vendimin e shpallur ‘non grata’ nga Mbretëria e Bashkuar.

Vajza e ish-kryeministrit Argita Malltezi, ka qenë ajo e cila ka likujduar faturat e studios ligjore në Mbretërinë e Bashkuar, ku në total pagesa shkon gati 600 mijë euro. Mbrojtja ligjore e Berishës në Angli u pagua nëpërmjet vajzës së tij Argita Malltezi, e cila rregullisht prej vitit 2022 deri në vitin 2024 ka shlyer faturat për babain e saj.

Në vitin 2022, 72.004.87 dollarë u likujdua fatura e studios ligjore në UK nga vajza Argita Malltezi sipas konfirmimeve bankare  për Zaiwalla and Co Limited.Në vitin 2023 pagesa për mbrojten ligjore të Sali Berishës në Britani, u krye sërish në emër të Argita Malltezit, ku u likujdua fatura prej 201.675.6 euro dhe 54.382. 76 dollarë. Në dosje rezulton se gjatë kësaj periudhe ka edhe disa pagesa nga dhëndri i tij, Jamarbër Malltezi, por ato I kreditohen në llogari bashkëshortes së tij Argita Malltezi.

Po ashtu në vitin 2024 Argia Malltezi pagoi për babain e saj Sali Berishën faturën e studios ligjore në UK, me vlerën prej 213.590.27 euro.

Gjyqii ndaj ish-kryeministrit Sali Berisha në Angli ka filluar në mars të këtij viti, ku kompania avokatore londineze Zaiwalla and Co së bashku me përfaqësuesin ligjor Fergus Randolph KC, i paraqiti gjykatës, argumentet se vendimi për ndalimin e hyrjes të Berishës në Angli është i padrejtë.

Në dosjen e SPAK rezulton se dhëndri dhe vajza e Sali Berishës, kanë mbuluar edhe shpenzimet shëndetësore për familjen, ku në vitin 2014, familja e Sali Berishës ka marrë nga dhëndri i tij Jamabër Malltezi 24 000 euro. Sipas SPAK, 6 mijë euro janë dhënë për shpenzime shëndetësore për Liri Berishën. 18 000 euro hua pa interes për Shkëlzen Berishën, ‘shumë e cila deri më sot nuk dokumentohet të jetë shlyer).