Skandal/ Dhjetra betonier bllokojnë rrugën para bashkisë Tiranë, mbrëmjen e kësaj të shtune në kryeqytet

Me dhjetra betionerë të parkuara në rrugë pranë Ministrisë së Infrastruktës dhe Energjitikës, përballë bashkisë Tiranë kanë rënduar edhe më shumë trafikun në këtë segment, mbrëmjen e kësaj të shtune në kryeqytet

Kjo rrugë në cdo moment të ditës është nga më problematikat për drejtuesit e automjeteve, pasi në këtë rrugë kalojnë të gjitha automjetet që vijnë nga bulevardi “Dëshmorët e Kombit” dhe rruga “Myslym Shyri”.

Sikur të mos mjaftonte vetëm kjo, mbrëmjen e kësaj të shtune kjo rrugë është bllokuar edhe nga një karvani gjatë betonierësh, duke bërë që drejtuesit e mjeteve të qëndronin të bllokuar në trafik.

Ndërsa qytetarët e tjerë që ecnin në këmbë i shoqëronte një zhurmë e tmerrshme pasi, betonierët qëndronin të ndezur dhe vazhdonintë përpunonin betonin. Ndërkohë turistët shikonin të habitur atë që ndodhte aty.