Në janar, Rod Stewart do të mbushë 80 vjeç dhe në një intervistë që ka dhënë së fundmi ka bërë një koment që u përfol shumë në mediat ndërkombëtare.
Edhe pse e bëri të qartë se nuk ka probleme shëndetësore, ylli i pop-rokut tha: “E di që ditët e mia janë të numëruara, por nuk kam frikë. Ne të gjithë duhet të largohemi nga jeta në një moment, kështu që jemi të gjithë në të njëjtën barkë”.
Për mënyrën se si ka ndikuar kalimi i kohës tek ai, Stewart tha: “Nuk jam si në vitet 70 dhe 80 dhe nuk mund të rri gjithë natën zgjuar, të dehem dhe të çmendem dhe të kem ende një zë si atëherë. Sot më duhet të mbroj zërin para dhe pas çdo koncerti”.
Këngëtari theksoi se mbetet i fokusuar në shëndetin e tij, aq më tepër që është përballur me kancerin e prostatës dhe tiroides. Për këtë ai komentoi: “Jam pak hipokondriak. Unë mendoj se burrat, veçanërisht burrat, duhet të përfitojnë nga e gjithë shkenca e mrekullueshme mjekësore që ekziston .
Njerëzit komentuan lajmin e mësipërm, me theks në pikën ku Stewart pranon se pi alkool pas shfaqjeve të tij live. “Ai e di se i ka ditët e numëruara, por pi pas çdo emisioni live”, thotë redaksia e People, në titullin e publikimit përkatës.
“Ju po flisni me Rod Stewart këtu, o burrë”, thuhet se i tha ylli i rokut Sun US, ku dha intervistën. “Ne çmendemi pas çdo koncerti. Jemi 13 veta, 6 gra, muzikante vërtet të shkëlqyera dhe i bëj të pinë”, tha ai.
