Vitet e fundit, Dukesha e Jorkut duket se është rikthyer në “përqafimin” e familjes mbretërore.
Ajo mori pjesë në Sandringham gjatë Krishtlindjeve dhe vetëm të martën e kaluar ishte në funeralin e Dukeshës së Kentit. Tani ajo është në qendër të skandalit të fundit të Jeffrey Epstein , një problem që familja mbretërore duket se nuk po mund ta heqë qafe.
Arsyeja e dërgimit të email-it, sipas një zëdhënësi të Dukeshës së Jorkut, ishte shantazhi. Epstein po e kërcënonte dhe ajo e shkroi email-in për ta ndaluar atë që ta padiste për shpifje.
Ajo thotë se u mashtrua nga gënjeshtrat e tij dhe ndjen vetëm keqardhje për viktimat. Njerëzit shpesh flasin për sa i fuqishëm ishte Jeffrey Epstein. Ai i dinte sekretet e njerëzve dhe të tjerët ishin bërë të varur financiarisht nga mbështetja e tij. Në mars të vitit 2011 u zbulua se ai i kishte dhënë Sarah Ferguson 15,000 paund.
Sigurisht, ish-bashkëshorti i saj, Princi Andrew, ka qenë ai që ka pasur nevojë t’u përgjigjet pyetjeve më të vështira në lidhje me marrëdhënien e tij me Epstein në të kaluarën. Ai ka mohuar çdo shkelje.
Por ekziston kërcënimi i publikimit të dokumenteve të reja në Amerikë, në të cilat ai mund të përmendet, dhe një libër i shkruar nga Virginia Giuffre, akuzuesja e Princit Andrew, para se të vdiste, do të dalë gjithashtu më 21 tetor.
Duka i Jorkut mungonte në vizitën e Trump në Mbretërinë e Bashkuar javën e kaluar, pavarësisht se jetonte në Kështjellën Windsor./kohajuaj
