“Rama nuk zëvendësohet me një ‘makinë’ të vjetër si Berisha”, Dash Sula tregon bisedën me kreun e PD-së për dosjen “Partizani”

I lënë jashtë listës së opozitës, Dash Sula u shpreh se Berisha ëstë një makinë e vjetër politike.

Më tej, Sula u shpreh se aleati më i ngushtë i opozitës duhet të ishte SPAK i cili ka nisur hetime ndaj akuzave të ngritura nga opozita. Sipas tij, drejtuesi i SPAK është një njeri i pakorruptuar dhe se nota për SPAK ka kaluar në 8.5.

“Nuk mund që një shoqëri, ose një forcë politike të pranojë një makinë të vjetër politike si Rama ta zëvendësojë me një makinë akoma më të vjetër si Berisha. Mënyra e artikulimit të tezave që Berisha po i bën, po veçoj programin e PD që Rama nuk e ka një gjë të tillë. Po ka një defekt shumë madhor, ja kam thënë dhe Berishës dhe kam thënë që për sa kohë shqiptarët pavarësisht të metave që ka SPAK-u, njofton dashuria qytetare për SPAK i cili është instrumenti që ka vënë përpara drejtësisë.

Cdo akuzë apo denoncim i Berishës, nëse nuk do të materializoheshin nga SPAK dhe GJKKO, nuk do kishte një bazë dhe besueshmëri te qytetarët. SPAK-u duhet të ishte aleati më i ngushtë i opozitës. Hetimi ndaj Berishës është një vendim kolegjial që është i vështirë të provohet nga ana subjektive dhe objektive. Do ishte një rrugë shumë e vështirë për të vënë në rrugë penale kryeministrat.

Nëse Berisha do akuzohej për fonde publike dhe koncensione, unë nuk do i dilja në krahë. Besoj te SPAK, nota tani ka kaluar te 8.5 për SPAK dhe GJKKO. Drejtuesi i SPAK është njeri i pakorruptuar.”

Kryetari i Partisë Demokratike do duhej të respektonte masën e sigurisë detyrim paraqitje, të caktuar nga Gjykata e Posaçme për dosjen hetimore për privatizimin e ish-kompleksit Partizani. Deputeti i kësaj partie, Dashnor Sula, i ftuar në “Real Story” tregoi se e ka këshilluar Berishën, që të shkonte në gjykatë dhe të respektonte masën.

Po ashtu ai tregoi se i ka kërkuar Berishën, që PD të mos e linte në duart e Falmur Nokës, emrin e të cilit nuk pati dëshira të përmendte.

“Unë i kam thënë, e kam këshilluar unë në grup parlamentar z.Berisha përpara se sa do t’i ndryshonte masën e sigurisë gjykata nga detyrim paraqitje në “arrest shtëpi”, i kam thënë se do duhet të shkojë të respektojë vendimin e gjykatës.

I kam thënë z. Berisha që duhet të shkosh dhe ta respektosh vendimin e gjykatës. Shko dhe para SPAK, s’ka asgjë të keqe. I kam thënë një shprehje: mos na e lë në duar… partinë të zotit x, që nuk dua t’ia them as emrin”, tha ai.