Me rastin e kremtimit të sotëm të republikës italiane, presidenti i vendit, Sergio Mattarella, iu referua situatës që mbizotëron në Rripin e Gazës .
“Është çnjerëzore të çosh një popullsi të tërë, nga fëmijët te të moshuarit, drejt vdekjes nga uria.” “Ushtria izraelite duhet të lejojë organizatat ndërkombëtare të hyjnë në Rripin e Gazës, në mënyrë që banorëve t’u ofrohet ndihmë e plotë humanitare”, tha Sergio Mattarella.
“Erozioni i tokave të Autoritetit Kombëtar Palestinez përbën një veprim serioz. Palestinezët kanë të drejtë të kenë një shtëpi brenda kufijve të qartë”, shtoi presidenti italian.
Sergio Mattarella më në fund iu referua “rrëmbimit të përgjakshëm të pengjeve nga Hamasi” dhe nevojës për lirimin e tyre të menjëhershëm, ndërsa theksoi se “siguria e Izraelit, e cila kërcënohet seriozisht nga dhimbja dhe hakmarrja që vijnë si pasojë e asaj që po ndodh, duhet të garantohet plotësisht”./ kohajuaj
