Tre oficerë të policisë kufitare italiane po hetohen me dyshimin për vrasje nga pakujdesia pasi dhjetëra emigrantë humbën jetën në brigjet e Kalabrisë.
Në muajin shkurt, të paktën 94 njerëz – duke përfshirë një të porsalindur dhe fëmijë të tjerë – vdiqën pasi një varkë prej druri që transportonte deri në 180 persona u copëtua nga shkëmbinjtë e thepisur.Mbetjet e varkës u lanë në plazhin e Steccato di Cutro, qytet i vogël bregdetar në bregun lindor të Kalabrisë që formon majën e çizmes së Italisë. Por, pak çaste më parë, Guardia di Finanza e Italisë, ose policia financiare, e cila gjithashtu shërben për kufijtë dhe doganat, u dërgua për të ndaluar varkën e mbushur me njerëz.
Zyrtarët e Agjencisë njoftuan autoritetet italiane për këtë, duke theksuar se askush nuk dukej të kishte jelek shpëtimi – Guardia di Finanza dërgoi dy patrulla për ta ‘përgjuar’ atë.
Në orën 00:04, pasi forcat ndërprenë kërkimet për shkak të motit të keq, anija u copëtua, raportuan gazeta Corriere della Sera me qendër në Milano dhe Sky TG24.
Sipas Corriere della Sera, duke cituar një urdhër kërkimi të lëshuar nga prokurorët, hetuesit kanë gjetur ‘anomali të rëndësishme’ në një ditar për një nga motobarkat e dërguara.
Varka me motor, e identifikuar si V5006, ishte në të vërtetë në portin në Crotone, Kalabria, në kohën kur regjistri tha se ishte në det për të kërkuar emigrantët.
