Teksa Partia Demokratike, e udhëhequr nga vjehrri i saj, Sali Berisha, po përgatitet për protestë dhe deputetët kanë shkaktuar trazira në Kuvend duke kërkuar lirimin e ish kryeministrit dhe deputetit Ervin Salianji, Armina Mevlani, nusja e Shkëlzen Berishës në mes të kësaj situate të nxehtë politike, po relaksohet në një nga hotelet më luksoze në Durrës.
Në vend që të mbështesë protestën në rrjetet sociale, nusja e familjes Berisha ka ndarë një video në Instagram, ku shfaqet duke shijuar disa momente relaksi .
Në videon e postuar, Armina tregon se po merret me kujdesin për veten, përfshirë trajtime për lëkurën dhe celulitin, dhe madje flet për një dhomë me kripë ku po kalon kohën e saj.
“Bëra këtë dhomën me kripë që është shumë ‘nice’ dhe disa trajtime për celulitin…”, thotë ndër të tjera në video Armina.
Kjo sjellje duket të jetë në kontrast me axhendën politike të familjes Berisha, duke treguar se Armina nuk e vret shumë mendjen për zhvillimet politike që prekin partinë e vjehrrit të saj.
Ndërkohë, Partia Demokratike vazhdon të mobilizohet për protestën, duke kërkuar mbështetje masive nga populli për të ushtruar presion mbi qeverinë.
