Shumica e punonjësve në shërbimin shëndetësor shqiptar kanë marrë vetëm një dozë të vaksinës kundër coronavirusit.
Një studim i kryer nga instituti i shëndetit publik me mbështetjen e OBSH, Task Forcën për Shëndetin Global dhe Qendrat e Shteteve të Bashkuara për Kontrollin dhe Parandalimin e Sëmundjeve ka nxjerrë në pah se 90% e punonjësve në sistemin shëndetësor shqiptar kanë marrë dozën e parë të vaksinës, ndërsa të dytën e kanë injektuar vetëm 19% e tyre deri në qershor të 2022.
Marrja e dozës përforcuese ishte edhe më e ulët në mesin e punonjësve nën 35 vjeç, punonjëseve femra dhe infermiereve, mamive, personelit mbështetës dhe personelit administrativ.
Studime të tjera të kryera në rajonin evropian në fund të qershorit 2022, kanë nxjerrë në pah se më shumë se 80% e punonjësve shëndetësorë në vendet me të ardhura të larta kanë marrë një seri të plotë vaksinash primare COVID-19 dhe 51% një dozë shtesë, krahasuar me 33% dhe 8%, respektivisht, të punonjësve shëndetësorë në vendet me të ardhura të mesme të ulëta.
Ekspertët e shëndetësisë botërore kërkojnë më shumë ndërgjegjësim sa i takon vaksinimit kundër coronavirusit.
Ata i qëndrojnë mendimit se vaksinat mbeten mbrojtja më e mirë që kemi ndaj sëmundjeve të rënda dhe vdekjeve nga COVID-19. Dozat ‘booster’ përforcojnë mbrojtjen kundër sëmundjeve të rënda edhe në komunitetet që kanë kaluar infektimin me Covid në formë të rëndë.
