Një operacion i befasishëm është regjistruar pasditen e kësaj të premte nga forcat RENEA tek tregu agro-ushqimor në Elbasan, i cili është në pronësi të fisit Çela, mbiemër i njohur në botën e krimit.
Më konkretisht të Petrit Çelës, babai i Suel Çela. Ky i fundit aktualisht është në kërkim nga SPAK se ka porositur vrasje.
Burime bëjnë me dije se tregu është rrethuar nga RENEA dhe janë shoqëruar 5 persona, teksa operacioni është ende në vijim.
Nuk dihen ende se kush janë të shoqëruarit dhe arsyeja e shoqërimit, teksa priten më shumë detaje në vijim.
