Një nga momentet më njerëzore, prekëse dhe të ngarkuara u zhvillua në Parlamentin Europian, në Strasburg, kur 11-vjeçari Roman Oleksiyev nga Ukraina qëndroi para audiencës për të treguar historinë e tij personale. Një histori nga lufta, e cila është gdhendur thellë në shpirtin e tij.
Romani foli gjatë një shfaqjeje dokumentari për fëmijët ukrainas, duke u bërë thirrje evropianëve të mos e braktisnin vendin e tij. Fjalët e tij ishin aq të ngarkuara sa përkthyesja, e paaftë të mbante lotët dhe të qarat, ndaloi përkthimin. Një kolege iu desh të ndërhynte për të vazhduar procesin.
Më 14 korrik 2022, një sulm rus ndaj një spitali në Vinnytsia e la Romanin me nënën e tij dhe me djegie të rënda . “Kjo ishte hera e fundit që e pashë… kur munda t’i mbaja dorën dhe t’i thoja lamtumirë”, tha ai, duke tronditur sallën.
Romani i vogël i është nënshtruar 36 operacioneve
Pavarësisht vështirësive të mëdha me të cilat përballet, luftëtari i vogël për jetën i është nënshtruar tashmë 36 operacioneve dhe vazhdon një rrugë të vështirë rehabilitimi. E megjithatë, me forcë të jashtëzakonshme, ai u rikthye në shkollë, në vallëzim dhe në muzikën që e do aq shumë. Dëshmia e Romanit u bë simbol i shpresës, guximit dhe forcës së pashtershme njerëzore dhe trimërisë së shpirtit.
https://x.com/nexta_tv/status/1998990451446096186
