Të dy së bashku janë autorë të gati 2000 golave, por duket se aftësia për të shënuar është e vetmja e përbashkët që kanë.
Lionel Messi dha dje një intervistë të shkurtër pas ndeshjes të fituar nga Inter Miami përballë Porto-s dhe kur u pyet për raportin që ka me yllin portugez tha: “Kam shumë respekt dhe e admiroj për karrierën që ka ndërtuar.
Rivaliteti me atë ishte në fushë, secili prej nesh kërkonte që të bënte më të mirën për ekipet respektive. Siç ndodh gjithmonë, gjithçka që kemi patur e kemi mbyllur në fushë e kemi lënë aty. Jashtë saj ne jemi dy persona si gjithë të tjerët. Sigurisht që nuk jemi shokë sepse nuk kalojmë kohë bashkë, por gjithmonë e kemi trajtuar njëri-tjetrin me respekt”.
