Italia do ta njohë shtetin palestinez vetëm nëse të gjithë pengjet izraelite lirohen dhe Hamasi përjashtohet nga çdo rol qeveritar, tha sot kryeministrja Giorgia Meloni.
“Nuk jam kundër njohjes së Palestinës, por duhet të vendosim prioritetet e duhura”, u tha ajo gazetarëve, duke njoftuar se qeveria e saj do t’i paraqesë Parlamentit një rezolutë mbi këtë çështje.
Nga Nju Jorku, ku po merr pjesë në Asamblenë e Përgjithshme të OKB-së, Meloni tha gjithashtu se presioni ndërkombëtar duhet të ushtrohet mbi Hamasin dhe jo mbi Izraelin, duke fajësuar organizatën për fillimin e luftës dhe duke pretenduar se po bllokon fundin e saj duke refuzuar të dorëzojë pengjet./kohajuaj
