Kërkesa e deputetëve të PD për anulim të zgjedhjeve për kryetar, Bardhi: Do thërras mbledhje të Këshillit Kombëtar

Sekretari i përgjithshëm i PD, Gazment Bardhi thotë se do të thërrasë mbledhjen e Këshillit Kombëtar.

Vendimi vjen pas kërkesës së 276 anëtarë të Këshillit Kombëtar të cilët kërkojnë pezullimin e procesit të 29 korrikut, për zgjedhjen e kreut të PD.

“Po kam marrë një relacion të detajuar dhe kërkesë mbi situatën dhe vlerësimin e Këshillit Kombëtar dhe pasi i kam shqyrtuar kam ushtruar menjëherë kompetencat që më njeh Statuti i Partisë.

Kam vendosur të thërras mbledhjen e Këshillit Kombëtar.”- tha Bardhi për Report Tv.