Burime të Ministrisë së Jashtme Greke i janë përgjigjur deklaratave të kryeministrit të Shqipërisë, Edi Rama, për termin “vorioepirote” , gjatë fjalimit të tij në Selanik.
Sipas asaj që raportojnë, qëndrimi i Ministrisë së Jashtme greke është se “historia nuk skadon dhe mban gjallë kërkesën për respektimin e plotë, nga ana e Shqipërisë, të të drejtave të minoritetit etnik grek. Ky përbën një kusht të qartë për procesin e anëtarësimit të Shqipërisë, sipas qëndrimit unanim të 27 vendeve anëtare të Bashkimit Evropian të datës 11 tetor 2024.
