Ministri grek i Mbrojtjes, Nikos Dendias, ka përcjellë një mesazh për Shqipërinë nga Janina, në një ditë simbolike dhe në një moment me domethënie.
“I referohem po ashtu Shqipërisë fqinje që duhet përherë t’i përmbahet acquis europiane në përpjekjen e saj për t’iu bashkuar familjes europiane”, tha ai.
Gazeta e djathtë greke, “Kathimerini” vë në dukje se deklarata është bërë me rastin e përkujtimit të 111 vjetorit të çlirimit të qytetit nga sundimi otoman, në të njëjtën ditë kur kryeministri i Shqipërisë, Edi Rama, ishte për një vizitë në Turqi.
