Rreth dyzet gra hoqën rrobat dhe demonstruan të martën, më 12 shtator, përpara ambasadës iraniane në Bruksel për të shprehur solidaritetin e tyre me studentin Ahou Daryaei dhe të burgosur të tjerë politikë në Iran.
“Ne jemi këtu për të mbështetur të gjitha gratë e shtypura, përfshirë Ahou Daryaei, dhe për të kërkuar lirimin e saj të menjëhershëm […] Ne duhet të përforcojmë zërin e saj dhe të mos harrojmë veprimin e saj”, tha një nga organizatorët e demonstratës sipas rrjetit rtbf.
Një vajzë tjetër vuri në dukje se “është një luftë afatgjatë. Natyrisht, ne nuk jemi naivë dhe e dimë se këto veprime nuk do ta çlirojnë Ahu Daryaei-n. Megjithatë, mendoj se është e rëndësishme të flasësh dhe t’u bësh me dije njerëzve për këtë çështje”.
Kujtojmë se studentja iraniane Ahou Daryaei, hoqi rrobat e saj në oborrin e Universitetit të Teheranit, në shenjë proteste për shkak se Policia Morale e Iranit i bëri vërejtje se nuk mbante shami. Studentja u arrestua dhe prej atëherë nuk dihet fati i saj.
Përveç lirimit të menjëhershëm të gruas së re iraniane, protestuesit kërkuan lirimin e të gjithë iranianëve në paraburgim.
