Tensionet mes Rusisë dhe SHBA-së janë ngjitur në kuotën më të lartë, duke alarmuar botën mbarë, pikërisht ditën e sotme. Kjo për shkak të një  konflikti ushtarak të ardhur pas rrëzimit nga një avion luftarak rus të një droni të Forcave Ajrore të SHBA- së, Ngjarje kjo e ndodh të martën, mbi mbi qiellin e Detit të Zi ku  avioni rus dëmtoi helikën e dronit “MQ-9 Reaper”.  Njoftimi erdhi prej një zyrtari amerikan.

Sipas këtij të fundit droni “MQ 9 Reaper” dhe dy avionët rus “SU-27 Flanker” po operonin mbi ujërat ndërkombëtare në Detin e Zi kur njëri prej tyre fluturoi qëllimisht përpara dhe hodhi karburant mbi dronin pa pilot, Më pas ai dëmtoi helikën e “Reaper”, e cila është montuar në pjesën e pasme të dronit, tha zyrtari. Dëmtimi i helikës detyroi SHBA-në të rrëzonte “Reaper” në ujërat ndërkombëtare në Detin e Zi.

“Përafërsisht në orën 7:03 të mëngjesit (CET), një nga avionët rus Su-27 goditi helikën e MQ-9, duke shkaktuar që forcat amerikane të rrëzonin MQ-9 në ujërat ndërkombëtare. Disa herë përpara përplasjes, Su-27 hodhi karburant dhe fluturoi përpara MQ-9 në një mënyrë të pamatur, të pasigurt për mjedisin dhe joprofesionale. Ky incident tregon mungesë kompetence përveçse të pasigurt dhe joprofesionist. Aeroplani ynë MQ-9 po kryente operacione rutinë në hapësirën ajrore ndërkombëtare kur u kap dhe u godit nga një avion rus, duke rezultuar në një përplasje dhe humbje të plotë të MQ-9. Në fakt, ky akt i pasigurt dhe joprofesional i rusëve për pak sa nuk shkaktoi rrëzimin e të dy avionëve. Aeroplanët e SHBA-së dhe aleatëve do të vazhdojnë të operojnë në hapësirën ajrore ndërkombëtare dhe ne u bëjmë thirrje rusëve të sillen në mënyrë profesionale dhe të sigurt”, tha gjenerali i Forcave Ajrore të SHBA-së, James B. Hecker.

Avionët rusë dhe amerikanë kanë operuar mbi Detin e Zi gjatë rrjedhës së luftës, por ky është ndërveprimi i parë i njohur i tillë, një përshkallëzim potencialisht i rrezikshëm në një kohë kritike të luftimeve. Droni Reaper mund të fluturojë deri në 50,000 këmbë, sipas Forcave Ajrore, dhe ka sensorë dhe aftësi për të mbledhur inteligjencë dhe për të kryer zbulim për periudha të gjata kohore, duke e bërë atë një platformë ideale për të gjurmuar lëvizjet në fushën e betejës.