Sali Berisha mbajti këtë të premte konferencën e përjavshme gazetarët, ku gjatë fjalës së tij sulmoi dhe ambasadoren amerikane Yuri Kim, e cila i bëri thirrje qytetarëve shqiptarë që të mos votojnë persona ‘non grata’.
Berisha akuzon Kim se po ndërhyn në fushatë elektorale dhe se ky është krim zgjedhor
“E paralajmëroj se ndërhyrja në fushatë elektorale është krim elektoral, edhe në ligjin e vendit të saj edhe në vendin tim.
Unë e kuptoj që mund të dalë ndonjë deklaratë nga KQZ dhe thotë që nuk është fushatë, për mua është fushatë.
Nuk pranoj ndërhyrje në fushatë, por megjithatë do konsultoj ligjin, edhe ligjin shqiptar edhe atë amerikan”, tha Berisha.
