Një aksident i rëndë ka ndodhur pasditen e sotme në aksin Korçë-Maliq, në afërsi të urës së Bulgarecit.
Një mjet tip Chevrolet është përplasur me një kamion, ku të dyja kanë dalë jashtë rruge duke u përmbysur.
Drejtuesi i mjetit të vogël ka marrë dëmtime dhe ka ndërruar jetë, ndërsa shoferi i kamionit është plagosur.
Policia ka mbërritur në vendngjarje për zbardhjen e rrethanave të aksidentit.
Korçë/ Informacion paraprak
Rreth orës 17:05, në aksin rrugor “Korçë- Pogradec” në afërsi të fshatit Bulgarec, një kamion me drejtues shtetasin I. P., është përplasur me një automjet tip “Chevrolet”.
Si pasojë e përplasjes ka ndërruar jetë shtetasi K. N., rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve.
Grupi hetimor ndodhet në vend ngjarje për zbardhjen e rrethanave dhe shkakut të aksidentit.
