Ambasadori i Gjermanisë në Kosovë, Jorn Rohde e ka shpërndarë qëndrimin e SHBA-së për vrasjen e një zyrtari policor në veri dhe ka thënë se është plotësisht në linjë me të.
Përmes një postimi në rrjete sociale, ambasadori gjerman tha se sundimi i ligjit duhet të zbatohet në Kosovë.
“Unë pajtohem plotësisht me deklaratën e kolegut tim amerikan. Autorët e këtij sulmi vrasës kundër zyrtarëve të rendit të Kosovës duhet të dalin para drejtësisë. Sundimi i ligjit duhet të zbatohet në Kosovë. Ngushëllimet e mia të përzemërta shkojnë për familjen e policëve të vdekur të PK-së dhe për policët e plagosur të PK-së”, shkroi Rohde.
Në orët e para të mëngjesit të ditës së sotme (e diel) është vrarë rreshteri i Policisë së Kosovës, Afrim Bunjaku ndërsa Alban Rashiti ka mbetur i plagosur. Ngjarja e rëndë ka ndodhur në fshatin Banjska të Zveçanit ku është sulmuar patrulla policore.
