Inceneratori i paqenë i landfillit të Elbasanit është një nga 3 aferat e mëdha financiare me vlerë 33 milionë Euro e që po “ha” miliona të tjera, inskenuar dhe realizuar nga Edi Rama e Engjëll Agaçi, në pazar me Klodian Zoton, Stela Gugallajn e trafikantin Mirel Mërtiri.
Prej 15 muajsh që e ka sekuestruar SPAK-u dhe e ka marrë në administrim Ministria e Ekonomi-Financave, Inceneratori Elbasanit nuk mund të ndizet dot mbasi është jashtë përdorimi, e për rrjedhojë nuk djeg plehra e nuk prodhon energji elektrike.
Për të fshehur të vërtetën përballë akuzave të opozitës e kandidatit të saj në Elbasan, Luçiano Boçi, para 2 javësh te landfilli i Elbasanit, Bashkia sajoi një fjollë tymi me goma të djegura, që nxirrej nëpërmjet oxhakut të Inceneratorit dhe e filmuan.
Këtë tym, ministrja Belinda Balluku e përdori për mashtrim elektoral, sikur kishte përfunduar remonti i Inceneratorit të Elbasanit dhe gjoja kishte filluar të digjte plehra e prodhonte energji elektrike, mashtrim që u shpërnda nëpër media nga tellallë-analistët e qeverisë.
Por e vërteta është, se Inceneratori i Elbasanit nuk ndizet fare e nuk do ndizet, nëse nuk zëvendësohet me linjë të re teknologjike, që kushton 45 milionë Euro të tjera.
Ndërsa mashtrimin e ministres Belinda Balluku me tym elektoral në oxhakun inceneratorit, e ka nxjerrë ditën e mërkurë krye bashkiaku i Elbasanit, Gledian Llatja dhe 6 krye bashkiakët e Qarkut Elbasan me një njoftim zyrtar.
Ata kanë shpallur një tender me vlerë 27 milionë lekë në emër të landfillit Elbasan “ECO-ELB Sh.A”, me objekt: “Testimi i kaldajës dhe turbinës”, që janë dy linjat bazë të inceneratorit, pa të cilat nuk vihet në punë, gjë që tregon se deri tani nuk është vënë në punë.
Tenderi do bëhet në datën 8 maj, që do të thotë, se edhe po nuk pati ankime, testimi i incineratorit do vonohet minimalisht 2 muaj nga lidhja kontratës, ndërsa Balluku deklaroi para 2 javësh, se ishte vënë në punë e prodhonte energji.
Ky incenerator është në remont e provuar 8 herë të ndizet, por nuk është vënë dot në punë, as nga 16 specalistët gjermanë, italianë e austriakë që ka marrë e ka paguar Ministria e Ekonomi-Financave, sepse është teknologji e para 70 viteve./Pamfleti /
