Arnold Schwarzenegger që merr një lopatë dhe hedh zhavorr mbi një pellg me ujë në lagjen e tij. Këto janë pamjet virale të shpërndara në rrjet, fillimisht nga vetë ai dhe pastaj nga shumë të tjerë.
“Pasi e gjithë lagjja pati një problem me këtë gropë të madhe që shkatërronte makinat dhe biçikletat për javë të tëra, unë dola me ekipin tim dhe e rregullova atë”, ka shkruar Arnold në postim.
“Unë gjithmonë them, të mos ankohemi, por të bëjmë diçka. Duhet t’i bëni vetë disa gjëra. Kjo është çmenduri se unë kam pritur që kjo gropë të mbyllet për tre javë”, tha më tej.
