Nis shpërndarja e bonusit prej 5 mijë lekësh për pensionistët në vend. Janë rreth 700 mijë pensionistë që përfitojnë këtë mbështetje financiare për të përballuar rritjen e çmimeve.
Pensionistët e vlerësojnë këtë mbështetje financiare por theksojnë se duhet më shumë .Ata shprehen se e kanë të vështirë që të përballojnë kostot e jetesës dhe në shumë raste mbështeten nga fëmijët.
Shpërndarja e bonusit do të bëhet sipas datës së tërheqjes së pensioneve dhe do të jetë i vlefshëm për 3 vite.Të ardhurat për këtë shpërblim u siguruan nga mbledhja e taksës së jashtëzakonshme për eksportuesit e mëdhenj të energjisë. Në total fondi i vënë në dispozicion për shpërblimin e pensionistëve është 3.5 miliardë lekë. Ndërkohë që rritja e pensioneve për këtë vit do të miratohet ne tetor.
