McLaren F1 mund të jetë mbi 30 vjeç, por mbetet një legjendë e vendosur. U lançua në vitin 1992 dhe që atëherë, vlera e saj është rritur vazhdimisht. Muajin tjetër do të dalë në ankand një F1 që mund të shitet për 23 milionë dollarë ose më shumë, duke vendosur një rekord të ri për modelin.
Kjo F1 e vitit 1997, e shitur e re te CEO i Oracle Software, Larry Ellison, ka pasur gjithsej tre pronarë dhe ka përshkuar më pak se 10,500 km. Shasia 062 përmban një numër përmirësimesh të Operacioneve Speciale të McLaren, duke përfshirë një sistem shkarkimi sportiv, ajër të kondicionuar të përmirësuar, radiatorë të përmirësuar dhe një rezervuar karburanti prej alumini.
Makina iu nënshtrua një servisi të madh në tetor 2023, me një rindërtim të kutisë së shpejtësisë, kandela të reja dhe katër goma të reja në disqet origjinale. Gjithashtu, ajo mori një bateri të re, xham të përparmë dhe disa riparime nga McLaren Philadelphia në fletën e artë që mbulon ndarjen e motorrit rreth motorit V12 6.1 litra.
Ky McLaren F1 i veçantë, një nga shtatë të importuara në Shtetet e Bashkuara, është ngjyrë argjendi me një tapiceri lëkure të zezë dhe një futje gri në sediljen e shoferit.
Makina ka jetuar gjithë jetën e saj në Kaliforni dhe do të dalë në ankand nga RM Sotheby’s muajin e ardhshëm gjatë Javës së Makinave në Monterey. Nëse shitet sipas vlerësimit të shtëpisë së ankandeve, mund të bëhet McLaren F1 më i shtrenjtë i shitur ndonjëherë.
