Sllovenia legalizoi vdekjen e asistuar të hënën pas një referendumi, në të cilin shumica e votuesve votuan pro.
Parlamenti slloven miratoi ligjin me 50 vota pro, 34 kundër dhe tre abstenime.
Sipas ligjit të ri, ata që vuajnë nga një sëmundje e pashërueshme, që janë të shëndoshë mendërisht dhe gjendja shëndetësore e të cilëve është e tillë që nuk mund ta durojnë më dhimbjen, kanë të drejtë t’i japin fund jetës së tyre.
Ata që vuajnë nga sëmundje mendore përjashtohen. Ligji mund të zbatohet edhe në rastet kur trajtimet nuk ofrojnë ndonjë lehtësim ose përmirësim të arsyeshëm të gjendjes së pacientit.
Të gjitha opsionet e tjera të trajtimit duhet të jenë shteruar .
Eutanazia , pra vdekja e shkaktuar nga një mjek ose infermier me kërkesë të pacientit, mbetet e ndaluar. Theresa Novak, një anëtare e parlamentit nga Partia Liberale në pushtet, tha, megjithatë, se “do të ishte imorale që mjekësia t’i privojë njerëzit nga e drejta për të vdekur nëse dëshirojnë dhe mjekësia nuk mund t’i ndihmojë ata”.
Nga ana tjetër, Partia Demokratike (SDS) e ish-kryeministrit Janez Jansa denoncoi një ligj që “hap derën për një kulturë vdekjeje, humbjen e dinjitetit njerëzor dhe zhvlerësimin e vlerës së jetës, veçanërisht të më të prekshmëve”.
Në një referendum të mbajtur vitin e kaluar, 55% e votuesve mbështetën të drejtën për vetëvrasje të asistuar.
Zvicra dhe Austria gjithashtu miratojnë vetëvrasjen e asistuar, ndërsa eutanazia është e ligjshme në Holandë, Belgjikë dhe Luksemburg.
