Udhëheqësit e Britanisë, Francës dhe Gjermanisë thanë sonte se tani është “koha për diplomaci”, ndërsa hyri në fuqi një armëpushim i brishtë midis Izraelit dhe Iranit.
Kryeministri britanik Keir Starmer u takua me presidentin francez Emmanuel Macron dhe kancelarin gjerman Friedrich Merz në kuadër të samitit të NATO-s në Hagë.
“Udhëheqësit diskutuan situatën e paqëndrueshme në Lindjen e Mesme”, tha zyra e Starmer pas takimit. Ata ranë dakord se “tani është koha për diplomaci dhe koha që Irani të ulet në tryezën e negociatave”.
