Instituti Federal Zviceran i Teknologjisë në Cyrih ka krijuar kullën më të lartë të printuar 3D në botë në qytetin e vogël të Mulegns, e cila u ndërtua duke përdorur teknika inovative.
I quajtur Tor Alva (Kulla e Bardhë), monumenti i ri arkitektonik u krijua nëpërmjet një bashkëpunimi midis universitetit dhe fondacionit kulturor Origen me qëllim rigjallërimin e qytetit historik, por të braktisur, i cili tani ka vetëm 11 banorë
Arkitekti Michael Hansmeier dhe Benjamin Dillenberger, profesor i Teknologjive të Ndërtimit Dixhital në ETH, udhëhoqën projektimin e ndërtesës, duke përdorur një proces inovativ prodhimi shtesë të bazuar në ndihmën e robotëve.
Së pari, algoritmet krijojnë aspektet dekorative dhe strukturore, dhe më pas robotët fillojnë punën duke aplikuar betonin shtresë pas shtrese pa pasur nevojë për kallëpe mbështetëse derdhjeje.
Ekipi i projektimit thotë se duke kursyer beton, procesi i printimit 3D mund të nënkuptojë gjithashtu një ulje të emetimeve të karbonit gjatë prodhimit.
Rezultati përfundimtar është një kullë e përbërë nga 32 kolona betoni të bardha, duke formuar një strukturë që duket si natyraliste ashtu edhe futuriste.
Në krye, kolonat shpalosen në një formacion pemësh për të krijuar hapësirën në formë kupole ku vizitorët mund të shijojnë pamje piktoreske.
Për pesë vitet e ardhshme, Tor Alva do të vendoset në Mulegns, megjithëse mund të çmontohet dhe të ngrihet përsëri diku tjetër.
Që nga fundjava e kaluar, kulla ka qenë e hapur çdo ditë për ture.
Zbulimi i Tor Alva u zhvillua më 20 maj dhe gjatë ceremonisë një helikopter ngriti mbulesën mbrojtëse nga kulla, duke zbuluar për publikun për herë të parë strukturën e printuar në 3D.
300 të ftuarit që u mblodhën për hapjen e saj u ngjitën në kullë, duke eksploruar dizajnin e saj të ndërlikuar dhe duke shijuar pamje panoramike të peizazhit alpin.
