Presidenti Donald Trump ka pretenduar disa herë se SHBA ka shpenzuar 300-350 miliardë dollarë për ndihmë ndaj Ukrainës.
Por sipas BBC të dhënat sugjerojnë se shpenzimi real është shumë më i ulët.
BBC Verify nuk ka gjetur asnjë provë për të mbështetur këtë pretendim. Ekzistojnë llogaritje të ndryshme mbi shpenzimet e SHBA-së për, ose në lidhje me Ukrainën, por asnjëra prej tyre nuk arrin shifrën e pretenduar nga Trump.
Instituti Kiel, një institut kërkimor gjerman që ndjek mbështetjen për Ukrainën, ka llogaritur se Shtetet e Bashkuara kanë shpenzuar 119.7 miliardë dollarë për ndihmë midis janarit 2022 dhe dhjetorit 2024.
Departamenti Amerikan i Mbrojtjes ka dhënë një shifër që përfshin të gjitha shpenzimet për Operacionin Atlantic Resolve, i cili është përgjigjja e SHBA-së ndaj pushtimit rus të Ukrainës.
Kjo shumë është 182.8 miliardë dollarë, duke përfshirë trajnimet ushtarake në Evropë dhe rimbushjen e rezervave të mbrojtjes amerikane.
Në të dyja rastet, këto shifra janë dukshëm më të ulëta se ato që pretendon ish-presidenti Trump.
A ka shpenzuar SHBA 200 miliardë dollarë më shumë se Evropa?
Të dhënat sugjerojnë se Evropa ka shpenzuar më shumë se SHBA kur llogaritet gjithë ndihma. Dhe, siç u tha më sipër, nuk ka prova për shifrën 300 miliardë dollarë.
Shtetet e Bashkuara janë donatori më i madh individual për Ukrainën, por në total, Evropa ka dhënë më shumë ndihmë.
