Presidenti i SHBA Joe Biden tha sonte se ai do të konsideronte alternativa për të goditur objektet e naftës të Iranit nëse do të ishte në vendin e Izraelit.
Duke folur për gazetarët në Shtëpinë e Bardhë, presidenti amerikan tha se beson se Izraeli nuk ka vendosur ende se si t’i përgjigjet sulmeve balistike të Iranit.
Ai vuri në dukje se Izraeli dhe SHBA janë “në kontakt të vazhdueshëm” dhe i kërkoi kryeministrit izraelit Benjamin Netanyahu të kujtojë se asnjë administratë tjetër amerikane nuk e ka ndihmuar më shumë Izraelin.
Duke iu referuar kontributit të Uashingtonit, ai tha se “po përpiqet të mobilizojë pjesën tjetër të botës” për të arritur paqen në Lindjen e Mesme./ kohajuaj
