Lista: PS nis mbledhjen e firmave për përjashtimin e 24 deputetëve të PD

Pak orë pas zhvillimit të seancës parlamentare, që riktheu incidentet në Kuvend, pasi deputetët e Partisë Demokratike dogjën karriget e tyre, PS ka nisur mbledhjen e firmave për përjashtimin e disa prej tyre.

A2 CNN ka mësuar nga burime në PS se pas seancës së sotme ka nisur mbledhja e firmave për të kërkuar që të merren masa ndëshkimore për 24 ligjvënës demokratë.

Nuk mungojnë në këtë listë Sekretari i Përgjithshëm i PD, Flamur Noka, i cili u bë protagonist i një incidenti në kufijtë e përplasjes fizike me deputetin socialist Petro Koçi, të cilit i shkuli me forcë mikrofonin.

Po ashtu kërkohet ndëshkimi i kreut të Grupit Parlamentar të PD, Gazment Bardhi, i cili hodhi në drejtim të kryeparlamentares Elisa Spiropali këmbën e një prej karrigeve të shkatërruara të Kuvendit.

LISTA:

Luan Baçi

Dashnor Sula

Agron Gjekmarkaj

Dhurata Çupi

Xhelal Mziu

Ina Zhupa

Gazmend Bardhi

Flamur Noka

Bledion Nallbati

Edi Paloka

Saimir Korreshi